បទៈ ក្រោមមេឃទីទៃ
ច្រៀងដោយៈ សុគន្ធ និសា
អាល់ប៊ុមៈ Spark Music វ៉ុល៤ – គូរសំនៀង
១. ស្មានលើខុសកំហុសនរណា ?
ម្ដេចឡើយច្រាលពាក្យមុសារ តម្រូវតម្រង់កាលៃ ?
ដើមទ្រូងជាប្រុស ខុសខ្លួនឯងខំថ្លែងបំភ្លៃ
មាត់បូរបត់បង្រាបចិត្តស្រី កែខៃលាងលុបឈ្មោះព្រាន ។
២. ហាមដួងចិត្តមិនគិតតបត
ប្រឹងរស់ឱបភាពស្មោះសរ ធ្វើចាញ់នឹងស្នេហ៍សាមាន្យ
បើមានត្រឹមចិត្ត ម្ដេចខ្លួនមិនគិត នៅធ្វើបំពាន
លោមកាមស្នេហ៍តាមចិត្តស្រេកឃ្លាន ប្រឹងចោទបំពាននរណា ?
បន្ទរ. តើអ្នកណា ? អ្នកណាសាងស្នេហ៍អប្រិយ ?
ចង់រស់ក្រោមមេឃទីទៃ ហេតុអ្វីប្រឹងតាមទាមទារ ?
ដើមទ្រូងជាប្រុស ធ្វើខុសមិនត្រូវសោកា
ស្នេហ៍ថ្មីទីទៃពីគ្នា ផ្ដាច់ពៀរផ្ដាច់ឈប់អាល័យ ។
៣. តើកំហុសខុសព្រោះអ្នកណា ?
នៅឡើយតែទេវតា សូមលោកមេត្តាប្រណី
ចិត្តគេរួញរេ គេប្ដូររស់ស្នេហ៍ក្រោមមេឃទីទៃ
គេខុសសោះគេប្រឹងបំភ្លៃ សូមជួយកាត់ក្ដីខ្ញុំផង ។
ភ្លេង – ៣