បទៈ កូនឥតខាន់ស្លា
ច្រៀងដោយៈ មាស សុខសោភា
១. វាសនាកំរិតជីវិតជាកូនកំព្រា
សោកាជួបទុក្ខវេទនា កម្មតាមផ្ដន្ទាឥតស្បើយ
មានតែទឹកភ្នែកស្រក់ហូរឥតមានល្ហែរល្ហើយ
តើហេតុម្ដេចទៅលោកអើយ
តើហេតុម្ដេចឡើយដាក់ទោសរូបខ្ញុំ ?
២. ព្រាត់អ្នកមានគុណ ខ្ញុំយំតែលតោលម្នាក់ឯង
ជីវិតរសាត់ដូចខ្លែង វង្វេងហោះហើរក្នុងខ្យល់
ដង្ហោយរកម៉ែលោកអើយ ! កូនមិនដែលស្គាល់
ក្នុងទ្រូងផ្ដុំដោយកង្វល់ រស់ទាំងវិលវល់មិនយល់វាសនា ។
បន្ទរ. ស្រែករកឳពុកដុំទុក្ខរឹតរុំឱរា
គ្មានចម្លើយសោះឡើយណា ថាកូនមានពុកឬអត់ ?
ខ្ញុំសួរលោកីយ៍ចង់ដឹងអំពីប្រវត្តិ ព្រះអើយវាសនាកំណត់
ចម្លើយកំណត់កូនឥតខាន់ស្លា ។
៣. បានឮចម្លើយ ឮហើយមិនហ៊ានតវា
ឱបទុក្ខជូតទឹកនេត្រា ឈឺផ្សារស៊ូទូលម្នាក់ឯង
សូមចប់សំនួរ លែងចង់បន្ទោសអ្នកណា
ប្រាប់ចិត្តនេះគឺវាសនាសូមកុំតវានឹងព្រហ្មលិខិត ។
(ភ្លេង – បន្ទរ – ៣)
អត្ថបទចម្រៀងខ្មែរ 
អ្នកទាំងអស់គ្នាដឹងទេ ខ្ញុំចូលចិត្តបទនេះណាស់ ។
me too
ខ្ញុំក៏ចូលចិត្តដែរ ជាពិសេសគឺ ការសម្ដែង វីដេអូ មើល បណ្ដើរស្រក់ទឹកភ្នែក តាម… កំសត់ណាស់
ហេហេហេ ដល់ថ្នាក់ហ្នឹងផង! មើលទៅធ្ងន់ធ្ងរជាងខ្ញុំទៅទៀត ។ ខ្ញុំពេលខ្លះទៅស្ដាប់បទនេះ ស្រគតស្រគមតែម្នាក់ឯង ដូចជាកំសត់ខ្លួន តែមិនដល់ថ្នាក់ចេញទឹកភ្នែកទេ ។ ហេហេហេ ចិត្តជាកូនប្រុស មិនយំឲ្យគេឃើញទឹកភ្នែកទេ សុខចិត្តទៅយំដាក់មុខកញ្ចក់ម្នាក់ឯងវិញ ។