ស្នេហ៍បាត់សម្រស់
ច្រៀងដោយ ស៊ិន ស៊ីសាមុត
១. មេឃធ្លាប់ស្រឡះប្រែជាងងឹត ធម្មជាតិក្រៀមស្វិតបាត់បង់សម្រស់
នឹករឿងស្នេហាកើតក្ដីស្រណោះ គ្រាកន្លងហួសគ្រប់អានុស្សា ។
២. ស្រណោះមាត់ស្ទឹងអង្រឹងធ្លាប់យោល ចាំងឆ្លុះស្រមោលក្រោមខែភ្លឺថ្លា
ស្រណោះសម្ដីស្បថស្បែសច្ចារ ថាស្មោះស្នេហាលុះត្រាក្សិនក្ស័យ ។
បន្ទរ. តើកម្មពៀរអ្វី? អ្នកមកប្រល័យឲ្យខ្ញុំខ្លោចផ្សារ
ជីវិតអាប់អួរព្រោះរឿងស្នេហា ឥឡូវសង្សាមានថ្មីចោលខ្ញុំ ។
៣. ស្នេហ៍បាត់សម្រស់សម្ផស្សស្រីបង់ ក្ដីស្នេហ៍យើងលង់ក្នុងជម្រៅកម្ម
រឿងកន្លងផុតមកជាយូរឆ្នាំ ណ្ហើយចុះទ្រាំចាំ ចាំជួបជាតិក្រោយ ។
( ភ្លេង. បន្ទរ. ៣. )
អត្ថបទចម្រៀងខ្មែរ 
សូមរីករាយជាមួយនឹងបទចម្រៀងនេះ, បាទ! វាពិរោះណាស់ ។
បើបានជា ដាក់ចឹងហើយ ចុះមិនដាក់ឲ្យ ដោនឡូត ម៉ងទៅ ។ គឺខ្ញុំចង់និយាយ ថា ស្ដាប់ហើយ ទស្សនិកជន អាច យកទៅស្ដាប់ឯផ្ទះបាន តើគិតចឹងល្អដែរទេ ?
ធ្វើចឹងវាមិនពិបាកទេ, ណារដ្ឋ តែខ្ញុំយល់ថាវាមិនល្អ ។ បើខ្ញុំធ្វើចឹង និងធ្វើឲ្យសេដ្ឋកិច្ចមិនដំណើរការ ។ ហើយខ្ញុំក៏មិនចង់ធ្វើអីចឹងដែរ ព្រោះបទមួយៗ គេសុទ្ធតែរក្សាសិទ្ធ ។ ហេតុដូចនេះ អាចចូលមកកំសាន្តអារម្មណ៍ពេលអប្សុកម្ដងៗទៅបានហើយ ។ តែបើចង់ស្ដាប់ អាចទៅរកជៀវនៅទីផ្សាតែម្ដង នេះវាអាចជួយឲ្យចង្វាក់ផលិតកម្មដំណើរការផងដែរ ។ ណារដ្ឋមានយោបល់យ៉ាងណា សូមប្រាប់ផង ។
សុំជួយកែពាក្យណារដ្ឋមួយ!
ពាក្យទស្សនិកជន គេប្រើសម្រាប់តែអ្នកមើលទូរទស្សន៍ទេ ។
តាមគំនិតខ្ញុំគួរតែប្រើពាក្យភ្ញៀវ តើណារដ្ឋយល់ដូចខ្ញុំទេ ?
បឿនឯងទេដែលខុសនោះ! តាមពិតពាក្យ ទស្សនិកជន សំដៅលើ អ្នកដែល មកទស្សនា អ្វីមួយ មិនសំដៅអ្នកមើល៍ទូរស្សន៍ទេ ។ មានពាក្យមួយទៀតដែល គេប្រើគឺ ទូរទស្សនិកជន ។ ឧទាហរណ៍ អ្នកទៅមើល Concert ផ្ទាល់ គេហៅ ទស្សនិកជន ឯអ្នក មើលតាម ផ្ទះ គេហៅ ទូរទស្សនិកជន ។ តើខ្ញុំនិយាយត្រូវទេ?
ហេហេហ, សមហេតុផល! ខ្ញុំយល់ហើយ ហើយសូមអរគុណផងដែរណា!
អូហ៍! ចុះពាក្យប្រិយមិត្ត ពាក្យភ្ញៀវ អីទៀត អាចជួយបកស្រាយ និងរកឧទាហរណ៍ផងបានទេ ? ខ្ញុំរាល់ថ្ងៃហ្នឹងអត់ដឹងថា ប្រើជាមួយអ្នកដែលចូលមកទស្សនាប្លក់របស់ខ្ញុំថាម៉េចទេ ។ គួរហៅថាម៉េចទៅ ថាភ្ញៀវ ថាទស្សនិកជន ឬថាប្រិយមិត្ត .ល. ។
បើចង់ដឹងខ្ញុំប្រាប់៖ ពាក្យ «ភ្ញៀវ» និង «ប្រិយមិត្ត» ពិតជាខុសគ្នា ហើយ តែបឿន គួរប្រើ ប្រិយមិត្ត ទៅ ត្រូវជាង ហើយពិរោះស្ដាប់ផង ។ ទោះយ៉ាង ណា ក្នុងវិស័យអ៊ិនធើណែត ពាក្យទាំងពីរ មានន័យ មិនខុសគ្នា ឡើយ ក៏ ប៉ុន្តែ បើយើងវិភាគឲ្យច្បាស់ គឺថា «ភ្ញៀវ» ជាអ្នកមកលេង មកសួរសុខទុក្ខ ជាអ្នក ចូលទស្សនា ប៉ុណ្ណោះ ឯពាក្យ «ប្រិយមិត្ត» វាជិតស្និទ្ធ ហើយ មានន័យ ថា ជាអ្នកគាំទ្រ ជាអ្នក ដែលនិយមចូលចិត្តអាន មានន័យថា ពេលគេចូល មកប្លក់ យើង គឺគេ ជា«ប្រិយមិត្តអ្នកអាន» ។ ភាគច្រើន ប្រិយមិត្ត គេប្រើតែចំពោះ អ្នកដែលចូលចិត្តអាន ហ្នឹងឯង ដូចជាអ្នកអានទស្សនាវដ្ដី ជាដើម។ល។ ចឹងហើយ តាមខ្ញុំ បឿនប្រើមួយណាក៏បានដែរ តែចំពោះខ្ញុំ គែខ្ញុំប្រើ «ប្រិយមិត្តអ្នកអាន» កម្រប្រើ ភ្ញៀវ ណាស់ ។
អរគុណនូវបំណកស្រាយដ៏ក្បោះក្បាយនេះ ។ ខ្ញុំនឹងប្រើប្រិយមិត្តអ្នកអានអត្ថបទចម្រៀងខ្មែរ, គឺអ៊ីចេះហើយ ។ ណារដ្ឋពូកែចឹង ថ្ងៃក្រោយសួរទៀតហើយ ។ ហេហេហេ! 😀
ហើយខ្ញុំសង្កេតឃើញថា ពាក្យ «ប្រិយមិត្ត» គេនិយមប្រើ ណាស់ ដូចជា ប្រិយមិត្តអ្នកអាន ប្រិយមិត្តអ្នកស្ដាប់ ប្រិយមិត្តទូរទស្សនិកជន (អ្នកចូលចិត្តមើលទូរទស្សន៍) …ឧទាហរណ៍ ៖ បងប្អូន ប្រិយមិត្ត ទស្សនិកជន អញ្ជើញទស្សនា កម្មវិធីកំសាន្ត ដោយរីករាយ ។ ចំណែកពាក្យ «ភ្ញៀវ» ប្រើចំពោះ អ្នកណាដែល មកលេងផ្ទះយើង បានគួរសមជាង មែនទេ….
🙂 សួរចុះបាទ! ឆ្លើយបានគ្រប់យ៉ាង តើ
មែនហើយ ភ្ញៀវប្រើសម្រាប់អ្នកមកលេងផ្ទះយើងហ្នឹងហើយ ។
ចឹងសុំសួរពាក្យមួយទៅមើល៍ ខ្ញុំឆ្ងល់ជាងមួយឆ្នាំហើយ ខំរកក្នុងវចនានុក្រម រកសព្វកន្លែង សួរគេសួរឯង យ៉ាងណាក៏គ្មានអ្នកណាដឹង ។ ពាក្យនោះគឺពាក្យ ទុយ៉ូ ខ្ញុំមិនដឹងថាគេសរសេរយ៉ាងម៉េច ព្រោះរកក្នុងវចនានុក្រមអត់ឃើញសោះ ។ មិនដឹងថាពាក្យហ្នឹងជាពាក្យរបស់ខ្មែរអត់ ?
អូហ៍! និយាយចឹង បណ្ឌិតគេបានដាក់ Guitar FAQ នៅ http://guitar4khmer.wordpress.com ហើយ ។ ពិតជាគួរឲ្យចាប់អារម្មណ៍ណាស់ ។
យាហ៊ី បឿនគ្រាន់តែចង់ដោនឡូតផងអត់បាន?? តែមិនអីទេខ្ញុំឆ្លាត នៅតែអាចដោនឡូតបទហ្នឹងទៅស្តាប់នៅផ្ទះបានតាដែល ហេហេហេហេ….. ណាគេមានចំម្ងល់អីទាក់ទងហ្នឹងហ្គីតាទៅមើលនាំនោះទៅ។
ចង់ឲ្យធ្វើតាមឆ្លាតចឹង ! តែបើដាក់ឲ្យដោនឡូត មានន័យថាខ្ញុំរំលោភលើកម្មសិទ្ធិបញ្ញារបស់គេហើយ ។ ចឹងបានអត់ចង់ដាក់ឲ្យដោនឡូតហ្នឹងណា ។ ណាមួយ, បើយើងដាក់ឲ្យមានគ្រប់យ៉ាងនៅនេះ ចឹងគេលែងទៅមើលកន្លែងផ្សេងហើយ ។ ចឹងខ្ញុំខុសទៀតមិនខានទេ ។ ហេហេហេ! 🙂
បឿន៖ អូ ! បឿនអឺយ ពាក្យហ្នឹងម៉េចក៏អត់មានចឹង ។ ពីព្រោះពាក្យហ្នឹងជា ពាក្យកំចីពីភាសាបារាំងទេតើ គឺទុយោ បូមទឹកហ្នឹងអី?
អេ! ឌិត ពិតជាឡូយណាស់ ខ្ញុំចូលចិត្តអានមេរៀនហ្គីតា ហ្នឹងដល់ហើយ..
ប៉ាហែលជាចឹងហើយ! ចុះបើចឹង ពាក្យខ្មែរយើង គេហៅថាអីវិញទៅ ?
និយាយចឹងក៏ត្រូវដែរ! មិនមែនក៏ត្រូវទេគឺ ត្រឹមត្រូវតែម៉ង! ប៉ុន្តែ ដូចជាអត់មានអ្នកណាថា អីទេ បើចិត្តល្អ ដាក់ឲ្យគេដោនឡូតខ្លះទៅ បើគេសុំ ។ កុំឲ្យគេថា យើង ហ្នឹង មនុស្ស គម្រិះ ហា ហា….:O
ពាក្យថា «ទុយោ» ហ្នឹង ខ្មែរយើងគេ ប្រើ ពាក្យ «បំពង់» ។ ដូចជា បំពង់ទឹក បំពង់ទីប បំពង់ទរ បំពង់…អីផ្សេងៗទៀត។ល។និង។ល។
បំពង់ក បំពង់បង្ហូរ បំពង់បឺត បំពង់ប៉ុយ (បំពង់ផ្សែង ឬស៊ីម៉ាំងម៉ូតូ) ជាដើម ។
ណារដ្ឋឯងគួរតែសួរបណ្ឌិតទៅធើម៉េចដោនឡូតបាន ? ខ្ញុំអត់ចង់ដាក់ដោយចំហរទេ ។ ចាំខ្ញុំឲ្យមិត្តភ័ក្ត្រផ្សេងទៀតគេដាក់នៅប្លក់គេឲ្យដោនឡូត ហើយខ្ញុំនឹងឲ្យគេដាក់តំណរពីនេះទៅ ។
អូហ៍! មានតាចឹងហើយ ។ អ៊ីចឹងយើងអត់មិនត្រូវប្រើ ទុយ៉ូប៊ូមទឹកទេ គឺបំពង់ប៊ូមទឹកទើបត្រូវ ។ មែនទេ ?
បាទ!
តែជាក់ស្ដែង, នរណាៗក៏គេប្រើពាក្យ ទុយ៉ូ ឬត្រយោដែរ ។ បើយើងទៅនិយាយបំពង់ ដូចជា “ខ្ញុំទៅយកបំពង់បូមទឹកសិន” ខ្ញុំជឿថាប្រាកដជាគេនឹងសើចមិនខានទេ ហើយគេនឹងថាយើងនិយាយខុស !!! ??? 😦