អត្ថបទចម្រៀងខ្មែរ

Move To khmerlyrics.com

ទឹម បឿន — Sat, 18 Aug 2007 00:18:29 +0000

~~khmerlyric.wordpress.com~~ has been moved to http://khmerlyrics.com. Thanks for supporting ~~khmerlyric.wordrpess.com~~. Hope you will support http://khmerlyrics.com too.

Special thank http://cambodiablogger.com manager who gives me this cool domain and thanks to Sokodom who set up the domain and stand by for helping me.

Make sure that you’ll update your link to my new blog. It should be អត្ថបទចម្រៀងខ្មែរ or KHMER LYRIC with this address “ http://khmerlyrics.com.”

Blog author,

Tim Boeun

អាន វិសាល – ទឹកភ្នែកខ្ទើយ

ទឹម បឿន — Sun, 29 Jul 2007 08:03:36 +0000

បទៈ ទឹកភ្នែកខ្ទើយ
ច្រៀងដោយៈ អាន វិសាល
អាល់ប៊ុមៈ ទឹកភ្នែកខ្ទើយ
ផលិតកម្មៈ ចេនឡាប្រាឌឺ វ៉ុល២
ចេញលក់ៈ ២០០៦

១. ខុសដែរឬដែលកើតមកជាមនុស្សប្រុស
មានបេះដូងស្មោះមានបំណងដូចមនុស្សគ្រប់ប្រាណ
រូបប្រុសពិតចរិតស្រី សូមស្ដីដោយមិនខ្មាស់អៀន
មនុស្សគ្រប់ប្រាណបានហៅថាជាខ្ទើយ ។

២. ជាមនុស្សខ្ទើយគ្មានអ្នកណាអាចយល់សោះ
រកចិញ្ចឹមប្រុសបំណងរស់ជាគូកៀកកើយ
ផ្ដល់គ្រប់បែបផ្ដល់គ្រប់យ៉ាង ក្បត់ចិត្តល្អៀងមិនដែលឡើយ
បែរទុកខ្ទើយជាមនុស្សមួយសំរាប់បោកស៊ី ។

បន្ទរ. ពួកប្រុសបោកទុក្ខសោកទើបមកជិតកាយ
បានប្រាណរួចហើយលេបខាយឲ្យទុក្ខញ៉ាំញី
ឲ្យប្រាក់គេ គេបែរចាយវាយសប្បាយផឹកស៊ី
បំប៉នស្រីញី ឲ្យគេមកបោកប្រាស់បាន ។

៣. ទឹកគូត្រី ព្រឹក្សព្រៃគូនឹងម្រឹគា
រឿងរាវវាសនាគ្មានអ្នកណាអាចមកកាត់វាយ
អ្វីដែលឃើញនៅពេលនេះ ទឹកភ្នែកខ្ទើយហូរដូចភ្លៀង
តែកុំស្មានពួកប្រុសខ្ទើយក្ស័យប្រាណឡើយ ។

បន្ទរ – ៣

អ្វីដែលឃើញនៅពេលនេះ ទឹកភ្នែកខ្ទើយហូរដូចភ្លៀង
តែកុំស្មានពួកប្រុសខ្ទើយក្ស័យប្រាណឡើយ ។

ព្រាប សុវត្ថិ – ចិត្តអូនយ៉ាងណា?

ទឹម បឿន — Sat, 28 Jul 2007 05:46:08 +0000

បទៈ ចិត្តអូនយ៉ាងណា?
ច្រៀងដោយៈ ព្រាប សុវត្ថិ
អាល់ប៊ុមៈ ចិត្តអូនយ៉ាងណា?
ផលិតកម្មៈ រស្មីហង្សមាស វ៉ុល១៣០
ចេញលក់ៈ ២០០១

១. សំដីពីរោះ តែចិត្តអូនមិនស្មោះ
បងមិនយល់សោះឡើយស្រី
រូបរាងល្អ បេះដូងខ្មៅអប្រិយ
យ៉ាងនេះរៀមក្ស័យមិនខាន ។

ភ្ជាប់. តើហេតុអ្វីបានជាពីសីចាំសំដីឯងមិនបាន
ណាត់ឲ្យបងមកជួបកុំខាន
តែកល្យាណម្ដេចមិនមក ជួបបង ជួបបង ។

បន្ទរ. ចិត្តយ៉ាងណា? ចិត្តអូនយ៉ាងណា?
សូមមេត្តា មេត្តាឱរារៀមផង
ចិត្តយ៉ាងណា? ចិត្តអូនយ៉ាងណា?
ពិបាកសិក្សាយល់ដល់ចិត្តនួនល្អង
ជួយប្រាប់បងផង ចិត្តយ៉ាងណា?

ភ្លេង

២. បងស្នេហ៍អូន បងពិតជាស្នេហ៍អូន
បងខំថ្នាក់ថ្នមចិន្ដា
តើនឹមនួន អូនទៅស្នេហ៍អ្នកណា?
បានជាស្ដីវាចាមិនស្មោះត្រង់ ។

ភ្ជាប់ – បន្ទរ – ភ្លេង – បន្ទរ – បន្ទរ

ពេជ្រ សោភា – នារីល្ងើស្មោះស្នេហ៍

ទឹម បឿន — Sat, 28 Jul 2007 00:41:10 +0000

បទៈ នារីល្ងើស្មោះស្នេហ៍
ច្រៀងដោយៈ ពេជ្រ សោភា
អាល់ប៊ុមៈ ធូរចិត្ត
ផលិតកម្មៈ រស្មីហង្សមាស វ៉ុល៣១៧
ចេញលក់ៈ ២០០៧

១. អូនស្នេហ៍រៀមរាចុះខសន្យាបេះដូង តាំងពីដំបូងស្េនហ៍បងរហូត
ទោះបីអូនជួបទុក្ខសោក ឱរាវិយោក ក៏មិនខឹងមិនស្អប់វមិត្រ
អូនមិនខ្លាចឈឺចាប់ដួងចិត្ត បានកំណត់ជីវិត ស្មោះពិតស្នេហា ។

២. ទោះបីទឹកភ្នែកហូរជ្រែកផែនថ្ពាល់ទាំងគូ ជន់លិចដួងចិត្តព្រោះតែវមិត្រ
បេះដូងក្រៀមស្វិតកាយស្គមរញមរុះរោយ អូនមិនស្ដាយនឿយណាយចិន្ដា
នៅតែស្មោះចំពោះរៀមរា ទោះបងក្បត់អូនក៏មិនថា ចាំចិត្តចាឈ្មោះស្នេហ៍ ។

បន្ទរ១. ស្លាប់ព្រោះមានឈ្មោះជានារីល្ងីល្ងើស្មោះស្នេហ៍
អូនមិនយកទេឈ្មោះជានារីផ្លាស់ប្ដូរសាវាស្នេហ៍
បើគ្មានរូបបង អូនស៊ូទំនេរ មិនយកទេក្រៅពីមាសមេជាគូគ្រង ។

បន្ទរ២. បងជាបុរសមួយប៉ុណ្ណោះដែលអូនស្រលាញ់
ទឹកឃ្មុំផ្អែមឆ្ងាញ់ក៏គង់នៅចាញ់មន្តវាចាស្េនហ៍ស្នង
លង់ចិត្តវង្វេងឥទ្ធិពលបង អាសូរស្រីផងនារីល្ងីល្ងើស្មោះស្នេហ៍ មិនប្រែចិត្ត ។

ភ្លេង – ច្រៀងឡើងវិញ – បន្ទរ១ – បន្ទរ២

ស៊ិន ស៊ីសាមុត – កន្សែងប៉ាក់ផ្កា

ទឹម បឿន — Fri, 27 Jul 2007 23:57:00 +0000

បទៈ កន្សែងប៉ាក់ផ្កា
ច្រៀងដោយៈ ស៊ិន ស៊ីសាមុត
ចង្វាក់ៈ ស្លូរ៉ក

១. កន្សែសប៉ាក់អូនចាក់ផ្ទាល់ដៃ
រយព្រួយរយភ័យ កាលស្រីឲ្យបង
កន្សែងប៉ាក់ផ្កាចារចិត្តគូគ្រង
លាក់ភ្នែកអ្នកផង ខ្លាចគេស្គាល់ស្រី ។

២. ឥឡូវឃ្លាតប្រាណបានតែកន្សែង
លើកឡើងថ្លែង កន្សែងក្លិនស្រី
បើខ្ញុំហែកចោលនៅស្ដាយក្លិនស្រី
ក្លិនថ្មោងក្លិនថ្មី ទទួលផ្កាស្លា ។

បន្ទរ. វាចាកន្សែងថ្លែងរឿងក្រៀមក្រោះ
រឿងស្ម័គ្រររឿងស្មោះ ស្នាមអានុស្សា
លើកកន្សែងជូតទឹកភ្នែកទុក្ខា
ពេលអានអក្ខរា ចិត្តសែនអំពល់ ។

៣. ឆ្ងាយអើយសែនឆ្ងាយឆ្ងាយលែងយល់ហើយ
ទន្លាប់ទុំអើយ ម្ដេចជ្រុះឆ្ងាយគល់
ចន្ទ្រាឆ្ងាយដី បងឆ្ងាយនិមល
ម៉ឺនសែនអំពល់ ជាមួយកន្សែង ។

ភ្លេង – បន្ទរ – ៣

រស់ សេរីសុទ្ធា – ទឹកជ្រោះអូយ៉ាដា

ទឹម បឿន — Fri, 27 Jul 2007 23:30:45 +0000

បទៈ ទឹកជ្រោះអូយ៉ាដា
ច្រៀងដោយៈ រស់ សេរីសុទ្ធា
ចង្វាក់ៈ ស្លូ

១. ពេលព្រឹកព្រលឹម ញញឹមសែនស្រស់
ត្រូវនឹងសម្រស់ ធម្មជាតិព្រៃភ្នំ
បុប្ផាឈើព្រៃ ខៀវខ្ចីសុខុម
សមខ្លួនក្រមុំ សប្បាយរកគ្មាន ។

២. ទឹកអូយ៉ាដា ខោអាវធ្លាប់គក់
ធ្លាប់ងូតធ្លាប់គក់ ធ្លាប់ក្បង់ក្រម៉ា
ថ្ងៃនេះចិត្តខ្ញុំចម្លែក ប្លែកបា
សូមអ្នកជួយស្មាន ស្ទង់ចិត្តខ្ញុំផង ។

បន្ទរ. ខ្ញុំស្រលាញ់គេទ្វេមួយជាបី
តើគេបេតីខ្ញុំវិញទេបង
ចិត្តអើយរែងខ្វល់ អំពល់កន្លង
មិនគួរចំណងចងចិត្តដល់ម្លឹងអើយ ។

៣. អស់លោកអ្នកតាព្រៃភ្នំទាំងឡាយ
ខ្ញុំសូមថ្វាត់ថ្វាយជូនជាដំណឹង
ខ្ញុំស្រលាញ់គេណាស់ស្ទើរបង់ព្រលឹង
មេត្តាជួយដឹង ជួយឮខ្ញុំផង ។

៤. ទោះស្លាប់ក៏ដោយសូមឲ្យជួបគ្នា
ម៉ឺនសែនវេទនា ក៏នៅតែផ្សង
សូមជួបជាតិនេះ កុំបីកន្លង
ជួបជាគូគ្រង លុះអវសាន្តអើយ ។

ពៅ វណ្ណារី – ម្សិលមិញម្ដងទៀត

ទឹម បឿន — Fri, 27 Jul 2007 16:40:09 +0000

បទៈ ម្សិលមិញម្ដងទៀត
ច្រៀងដោយៈ ពៅ វណ្ណារី
ចេញលក់ៈ ទសវត្សរ៍៧០

១. When I was young
I’d listen to the radio
Waitin’ for my favorite songs
When they played I’d sing along
It made me smile ។

២. គឹជាពេលដែលសប្បាយ ហើយមិនបាននៅយូរទេ
ខ្ញុំគួរតែតាមរកប្រុសស្នេហ៍
តែគេត្រឡប់មកវិញ
ដូចជាបាត់បងមិនឃើញ
ចម្រៀងខ្ញុំសម្រាប់យើងរាល់គ្នា ។

បន្ទរ. Every Sha-la-la-la
Every Wo-o-wo-o
Still shines
Every shing-a-ling-a-ling
That they’re startin’ to sing’s
So fine ។

ភ្ជាប់. បងចាកចេញទៅពេលណា
ពេលនោះហើយអូនគ្រាំគ្រា
តែឥឡូវអូនមិនយំដូច
ថ្ងៃមុនទៀតទេ
It’s yesterday once more ។

៣. ខ្ញុំយល់ថាប៉ុន្មានឆ្នាំទៀតដែលកន្លងមក
ហើយពេលដ៏ល្អដែលខ្ញុំមាន
Makes today seem rather sad
So much has changed ។

៤. ជាចម្រៀងស្នេហាដែលខ្ញុំចង់ច្រៀងតទៅ
គ្មានទាមទារច្រើនដែលខ្ញុំច្រៀង
គឺចម្រៀងទាំងនេះហើយ
ដែលពីរោះសម្រាប់ខ្ញុំ
As they melt the years away ។

បន្ទរ

ភ្ជាប់. All my best memories
Come back clearly to me
Some can even make me cry
Just like before
It’s yesterday once more ។

បន្ទរ

វ័រ សារុន – ម៉ាក់ស៊ី

ទឹម បឿន — Fri, 27 Jul 2007 15:15:40 +0000

បទៈ ម៉ាក់ស៊ី
ច្រៀងដោយៈ វ័រ សារុន
ចង្វាក់ៈ ចាត់ចាត់ចា

១. បងចង់រាំនឹងម៉ាក់ស៊ី ម៉ាក់ស៊ី
ម៉ាក់ស៊ី នារី នារីបែបថ្មី
ម៉ាក់ស៊ីតើថាយ៉ាងណាទៅស្រី?
បងសូមថ្នមបីបំពេរ ។

បន្ទរ. នារីម៉ាក់ស៊ី ម៉ាក់ស៊ីសង្ហា
សក់វែងប្រាស្មា ប្រាស្មាគ្មានពីរ
ម៉ាក់ស៊ីល្អស្រស់លើសនារី
ម៉ាក់ស៊ីគ្មានពីរទេស្រី ។

២. ម៉ាក់ស៊ី នារី នារីល្អសម
ល្អសមទាំងអស់ ទាំងអស់ណាស្រី
បងលួចប្រាថ្នា ប្រាថ្នាបេតី
លើម៉ាក់ស៊ីស្រីហើយណា ។

ភ្លេង – ច្រៀងឡើងវិញ

សាមុត, សុទ្ធា – អានុភាពនៃពុកមាត់

ទឹម បឿន — Fri, 27 Jul 2007 10:18:13 +0000

បទៈ អានុភាពនៃពុកមាត់
ច្រៀងដោយៈ ស៊ិន ស៊ីសាមុត, រស់ សេរីសុទ្ធា

១. (ស)មើលមេឃ មេឃស្រលះភ្លឺថ្លា (ប)មើលផ្កាឃ្មុំក្រេបលំអង
(ស)បុប្ផាគឺអូនឯឃ្មុំគឺបង (ប)កែវកុំសៅហ្មងឃ្មុំបងក្រេបផ្កាតែមួយ
(ស)បើផ្ការោយ (ប)ឃ្មុំឥតព្រួយ មួយនឹងមួយមិនផ្លាស់ទេ
(ស)អូនមិនជឿសោះសម្ដីបុរសហូរដូចទន្លេ
(ប)ជឿអ្នកណាមាសមេ ឬមួយជឿគេជាងបង ។

២. (ប)ព្រលឹងកុំទាន់ខឹងពីសី ប្រណីហុចថ្ពាល់ឲ្យបង
បងសូមអង្អែល អង្អែលថើបផង ថើបមួយម៉ឺនដង
(ស)នែបង!ថយចេញឲ្យឆ្ងាយ (ប)ចេញទៅណា?
(ស) ចេញឲ្យឆ្ងាយ! (ប) ឱ!ឆោមឆាយមិនទៅទេ
ចិត្តអាក្រក់ម្ល៉េះ (ស)មិនមែនចិត្តអាក្រក់ទេ
បើចង់ថើបទាល់តែស្នេហ៍កោរពុកមាត់ចេញទៅ ។

៣. (ប)អ៊ីយ៉ាស!កោរមិនបានទេអូន
(ស)ប្រុសស្ងួនមានអ្វីលាក់បាំង?
(ប)ពុកមាត់បងនេះគឺជាកម្លាំង
តែកោរទៅអស់ខ្លាំងខ្លាចខ្មាំងសត្រូវមើលងាយ
(ស)ភរឬភូត? (ប)នែ!ឆោមឆាយបងនិយាយកាពិតច្បាស់
កុំប្រាប់អ្នកណាពីអានុភាពនេះ
ទុកពុកមាត់ពិសេសដើម្បីការពារស្នេហ៍យើង ។

ភ្លេង

៤. (ប) ឃ្លានណាស់អើ..អើយឆោមឆាយ តើបាយដាំឆ្អឹនហើយនៅ? (ស្ទួន)
(ស)ឆ្នឹនហើយឱណាប្រុសពៅ (ប)មានអ្វីខ្លះទៅ…ម្ហូបអាហារ?
(ស)មានគ្រប់សម្លរអាំងឆារ អញ្ជើញពិសារណាអ្នកប្ដីអើយ
(ប)តើមានប្រហុកតប់ទេ? (ស)ប្រុសស្នេហ៍មានដែរណាប្ដី (ស្ទួន)
(ប)អូ!ត្រូវហើយនឹងអន្លក់ស្វាយខ្ចី បេះពីព្រៃថ្មីៗ អូហ៍!ស្រក់ទឹកមាត់ច្រោក (ស្ទួន) ។

ពេជ្រ សោភា – កប់ចិត្តក្បត់ក្រោមធរណី

ទឹម បឿន — Fri, 27 Jul 2007 09:45:58 +0000

បទៈ កប់ចិត្តក្បត់ក្រោមធរណី
ច្រៀងដោយៈ ពេជ្រ សោភា
អាល់ប៊ុមៈ ធូរចិត្ត
ផលិតកម្មៈ រស្មីហង្សមាស វ៉ុល៣១៧
ចេញលក់ៈ ២០០៧

១.ដើមដានស្នេហ៍សល់តែភាពសោកសៅ
ស្លាកស្នាមដំបៅដួងចិត្ត
ភាពខ្លោចផ្សារដែលនៅជាប់មិនបាត់
រស់រងវិបត្តិរាល់ថ្ងៃ ។

ភ្ជាប់១. បើយ៉ាងនេះជីវិតមានន័យអ្វី ?
ឈឺយ៉ាងណា ក៏គេមិនប្រណី
គេគ្មានចិត្ត គេគ្មានសម្ដីថាស្រណោះ ។

ភ្ជាប់២. តើខ្ញុំត្រូវរង់ចាំដល់ណា ?
តើខ្ញុំត្រូវឈឺចាប់ដល់ណា ?
ជាច្រើនឆ្នាំខ្ទេចខ្ទាំ ឱរាបែកធ្លុះធ្លាយ ។

បន្ទរ១. ប្រមូលចិត្តក្បត់ បោះទៅឲ្យឆ្ងាយ
យកស្នេហ៍ក្លែងក្លាយកប់ទៅឲ្យជ្រៅ
ស្នេហ៍ក្បត់ចិត្តខ្មៅ ទុកនៅនាំក្ដៅក្រហាយ ។

បន្ទរ២. ប្រមូលចិត្តក្បត់កប់ក្រោមធរណី
គ្មានវិនាទីរកជាថ្មីឡើយ
អានុស្សាវរីយ៍រលាយបាត់ពីលោកនេះ ។

ភ្លេង – ច្រៀងឡើងវិញ – បន្ទរ១ – បន្ទរ២

ស៊ិន ស៊ីសាមុត – ចាបមាស

ទឹម បឿន — Fri, 27 Jul 2007 09:22:47 +0000

បទៈ ចាបមាស
ច្រៀងដោយៈ ស៊ិន ស៊ីសាមុត
ប្រភេទៈ សំនៀងមរតក
ចេញលក់ៈ ទសវត្សរ៍៦០-៧០

១. ចាបមាសស្រែកយំទំលើបង្គង
ក្នុងទ្រុងនួនល្អងចងក្បែរបង្អួច
ទទះស្លាបហើរ តែហើរមិនរួច
ដួងចិត្តលាក់លួចគួចស្នេហ៍ម្ចាស់ស្រី ។

២. អនិច្ចាចាបមាស បានម្ចាស់ក្រមុំ
ចាបមាសស្រែកសុំ យំទារចំណី
លាចលាយទឹកឃ្មុំម៉ុមដាក់ពាចថ្មី
បញ្ចុកផ្ទាល់ដៃឲ្យចាបស្លាប់ចិត្ត ។

បន្ទរ. ទឹកឃ្មុំផ្អែមឆ្ងាញ់ចាញ់សម្ផស្សស្ងួន
ចាបចង់បានខ្លួនស្ងួនមករួមរឹត
ចាបយំអង្វរឲ្យស្រីអាណិត
ហ៊ានប្ដូរជីវិត ត្បិតចិត្តប្រាថ្នា ។

៣. បើចាបអភ័ព្វស្លាប់ក្នុងទ្រូងស្រី
សុំចាបភក្ដីនៅក្នុងហត្ថា
បើចាបនៅរស់ព្រោះចិត្តមេត្តា
ចាបមានវាសនារស់ក្បែរទ្រូងអូន ។

ភ្លេង – បន្ទរ – ៣

ពេជ្រ សោភា – បងជាមោទនភាពស្នេហ៍របស់អូន

ទឹម បឿន — Fri, 27 Jul 2007 06:57:46 +0000

បទៈ បងជាមោទនភាពស្នេហ៍របស់អូន
ច្រៀងដោយៈ ពេជ្រ សោភា
អាល់ប៊ុមៈ កំពូលប្រូ
ផលិតកម្មៈ រស្មីហង្សមាស វ៉ុល៣១៣
ចេញលក់ៈ ២០០៦

១. បងគឺជាមោទនភាពស្នេហ៍របស់អូន
មានរូបប្រុសស្ងួនជីវិតមានន័យ
បងជាដួងចន្ទក្នុងដួងចិត្តស្រី
មានតម្លៃមិនអាចកាត់ថ្លៃបានទេ ។

២. ស្រីជាច្រើនច្រណែននឹងអូនបានរូបបង
បានសិទ្ធិគ្រប់គ្រងបេះដូងមាសមេ
អូនតបស្នងសងគុណបងដោយក្ដីបរិសុទ្ធស្នេហ៍
ស្មោះថ្នមថែបងមួយជីវិត ។

បន្ទរ. មោទនភាពស្នេហ៍អូន ប្រុសស្ងួនកម្មសិទ្ធិស្នេហា
អូនមានភ័ព្វវាសនាបានជួបទេពនិម្មិត
បងជាទឹកសន្សើមប្រោសព្រហ្មបុប្ផាដួងចិត្ត
ឲ្យជីវិតអូនមានរស្មី ។

៣. បងគឺជាបេះដូងអូនជាអំណាចដួងចិត្ត
មោទនភាពជីវិតលើសស្រីដ៏ទៃ
សូមឲ្យភាពស្រស់ថ្លា ស្នេហ៍កុំអាប់រស្មី
សូមឲ្យចិត្តត្រជាក់ប្រណីថ្លៃមានរហូត ។

ភ្លេង – ១ – ២ – បន្ទរ – ៣ – បន្ទរ – ៣

មាស សាលី – Waiting For You

ទឹម បឿន — Fri, 27 Jul 2007 06:29:43 +0000

បទៈ Waiting For You
ច្រៀងដោយៈ មាស សាលី
អាល់ប៊ុមៈ Waiting For You
ផលិតកម្មៈ សានដេ វ៉ុល៦៥
ចេញលក់ៈ ២០០៦

១. ខ្យល់ដកដង្ហើម
ផ្ដើមរឿងអស់សង្ឃឹម
ទឹកភ្នែកបងស្រក់មិនដឹងហេតុអ្វី
ព្រលឹងបាត់បង់ស្មារតី ។

២. ម្ដេចក៏ស្ងាត់សូន្យឈឹង
តើពេលហ្នឹងដឹងខ្លួនបានទេថ្លៃ
បងសន្យាគ្រប់យ៉ាងដើម្បីរូបស្រី
បេះដូងភក្ដីថ្នមជីវិតអូន ។

បន្ទរ១. Waiting for you
And waiting for you
Waiting for you kiss me in the night
រាត្រីនេះ បងសូមសន្យា
រស់ថែជីវា ថ្នមចិត្តរក្សាម្ចាស់ស្នេហ៍ ។

បន្ទរ២. Waiting for you
And waiting for you
Waiting for you coming to my dream
រាត្រីនេះ សុបិន្តក្រំក្រៀម
សល់តែដង្ហើមដូចទឹកសន្សើមបាត់រូប ។

Waiting for you
Waiting for you
តស៊ូចាំស្នេហ៍ ។

ភ្លេង – ២ – បន្ទរ១

Waiting for you

ភ្លេង

Waiting for you
Waiting for you
Waiting for you

បន្ទរ១ – បន្ទរ២

Waiting for you
Waiting for you
Waiting for you

ហ៊ួយ មាស – រាត្រីសេកុង

ទឹម បឿន — Fri, 27 Jul 2007 05:37:59 +0000

បទៈ រាត្រីសេកុង
ច្រៀងដោយៈ ហ៊ួយ មាស
ចេញលក់ៈ ទសវត្សរ៍៦០

១. រាត្រីសេកុងបានប្រុងប្រៀបប្រាណ
ចាំប្រុសកល្យាណជាគូវាសនា
នៅក្រោមរស្មីចន្ទរះភ្លឺថ្លា
ប្របឆ្នេរជលសាដែលហូររហែរ ។

២. រាត្រីសេកុងត្រួយអាណុងចិត្ត
អ្នកហាក់នឹងស្និទ្ធស្នេហ៍សែនចំបែង
ខ្ញុំនៅរង់ចាំ ចាំតែម្នាក់ឯង
ឱរាចំបែងអូនរែងទន្ទឹង ។

បន្ទរ. ជំនោរត្រជាក់ធ្លាក់មកដល់ហើយ
ផ្កាយអើយ យាងទៅណាបាត់ដំណឹង
ព្រះចន្ទក៏យាង បាត់ស្ងាត់សូន្យឈឹង
ឲ្យខ្ញុំរំពឹង រំពឹងម្ដេចបាន ។

៣. រាត្រីសេកុងហូរឆ្ងាយម្ល៉េះណា
ជលនេត្រសោកាខ្លោចផ្សាក្នុងប្រាណ
ជាតិនេះប្រហែលជាខ្ញុំមិនបាន
រូបប្រុសកល្យាណជាគូគាប់ឡើយ ។

ភ្លេង – បន្ទរ – ៣

ព្រាប សុវត្ថិ – សន្សើមផ្កាព្រៃ

ទឹម បឿន — Thu, 26 Jul 2007 06:38:03 +0000

បទៈ សន្សើមផ្កាព្រៃ
ច្រៀងដោយៈ ព្រាប សុវត្តិ
អាល់ប៊ុមៈ ម្អមស្រែ
ផលិតកម្មៈ រស្មីហង្សមាស វ៉ុល២២៧
ចេញលក់ៈ ២០០៥

១. ព្រឹកព្រហាមសម្រស់ធម្មជាតិត្រកាល
ក្រាលគ្រាប់ដក់ដើមដោយទឹកសន្សើម
ក្លិនផ្កាព្រៃក្រអូបស្រូបគ្រប់ដង្ហើម
ក្លិនផ្សះផ្សើមសន្សើមបេះដូង ។

២. សម្ផស្សស្រទន់មានលក្ខិណា
ផ្កាអើយផ្កាសូមស្ងួននួនយល់បំណង
ក្ដីស្រលាញ់ពេញប្រៀបដួងចិត្តនៃបង
សូមថ្នមផ្កាទាំងទងលាក់ក្នុងហរទ័យ ។

បន្ទរ. សែនស្នេហ៍បុប្ផាខ្នងព្រៃ
ផ្កាមានន័យរូបឆោមលោមពណ៌បរិសុទ្ធ
ដោយកម្រក្រនឹងបានប្រាណជួបស្នេហ៍ប្រាកដ
ថ្នមតែផ្កាមួយគត់មិនបោះបង់ ។

៣. សូមចែចូវយកផ្កាដាក់ក្នុងថូរមាស
ធ្វើជាម្ចាស់ដួងចិត្តនៃបង
ថ្លៃកុំព្រួយរៀមមានសន្សើមបេះដូង
ថ្នមនួនល្អងរៀងរហូតអើយ ។

ភ្លេង – បន្ទរ – ៣

អត្ថបទ​ចម្រៀង​ខ្មែរ

Move To khmerlyrics.com

អាន វិសាល – ទឹក​ភ្នែក​ខ្ទើយ

ព្រាប សុវត្ថិ – ចិត្ត​អូន​យ៉ាង​ណា?

ពេជ្រ សោភា – នារី​ល្ងើ​ស្មោះ​ស្នេហ៍

ស៊ិន ស៊ី​សាមុត – កន្សែង​ប៉ាក់​ផ្កា

រស់ សេរី​សុទ្ធា – ទឹក​ជ្រោះ​អូយ៉ាដា

ពៅ វណ្ណារី – ម្សិលមិញ​ម្ដង​ទៀត

វ័រ សារុន – ម៉ាក់ស៊ី

សាមុត, សុទ្ធា – អានុភាព​នៃ​ពុក​​មាត់

ពេជ្រ សោភា – កប់ចិត្តក្បត់ក្រោមធរណី

ស៊ិន ស៊ី​សាមុត – ចាប​មាស

ពេជ្រ សោភា – បង​ជា​មោទនភាព​ស្នេហ៍​របស់​អូន

មាស សាលី – Waiting For You

ហ៊ួយ មាស – រាត្រី​សេកុង

ព្រាប សុវត្ថិ – សន្សើម​ផ្កា​ព្រៃ

អត្ថបទចម្រៀងខ្មែរ

អាន វិសាល – ទឹកភ្នែកខ្ទើយ

ព្រាប សុវត្ថិ – ចិត្តអូនយ៉ាងណា?

ពេជ្រ សោភា – នារីល្ងើស្មោះស្នេហ៍

ស៊ិន ស៊ីសាមុត – កន្សែងប៉ាក់ផ្កា

រស់ សេរីសុទ្ធា – ទឹកជ្រោះអូយ៉ាដា

ពៅ វណ្ណារី – ម្សិលមិញម្ដងទៀត

សាមុត, សុទ្ធា – អានុភាពនៃពុកមាត់

ស៊ិន ស៊ីសាមុត – ចាបមាស

ពេជ្រ សោភា – បងជាមោទនភាពស្នេហ៍របស់អូន

ហ៊ួយ មាស – រាត្រីសេកុង

ព្រាប សុវត្ថិ – សន្សើមផ្កាព្រៃ